Uppsjóvarfiskur kann latast í trý ár

14.02.2020 - 08:56
AktueltPolitikkur
Uppsjóvarfiskur kann latast í trý ár
Søkjast kann til øll skip og allar bátar, og landsstýrismaðurin avger, hvør fær kvotu
Søkjast kann um 10.000 tons av makreli
 

Loyvi at fiska av uppsjóvarfiskinum, sum skjótt fer at bera til at søkja um, kunnu latast í samanlagt trý ár, tó í mesta lagi upp til eitt ár í senn.

Tað stendur í uppskotinum um kunngerðina um vinnuligar royndir og verkætlanir, sum hava við sær menning, nýskapan og virðisøking í at gagnnýta uppsjóvarfisk.

Talan er um 64.000 tons, 10.000 tons av makreli, 14.000 tons av norðhavssild og 40.000 tons av svartkjafti, sum søkjast kann um.

Uppskot um kunngerðina hevur verið í Fiskivinnuráðnum og skal á landsstýrisfund týsdagin til politiska viðgerð.

Sambært uppskotinum um kunngerð og sambært lógini skal søkjast um kvotu, og søkjast kann til øll skip og allar bátar. 

Lýsir eftir umsóknum á hvørjum ári

Sambært uppskotinum um kunngerð lýsir landsstýrismaðurin á hvørjum ári eftir umsóknum. Umsóknir skulu nágreiniliga lýsa eina vinnuliga roynd ella verkætlan, sum kvotan skal nýtast til.

Tær skulu siga, hvussu vinnuliga royndin ella verkætlanin kann skapa ella stimbra undir virðisøking, menning og nýskapan. 

Aðrar upplýsingar skulu vera í umsóknunum, millum annað um fígging, sølu og marknað.

Umsóknin kann fevna um virksemi á sjógvi eins og virksemi á landi. Landsstýrismaðurin avger, hvør fær kvotu.

Saman við kunngerðini er metingarskjal, sum sigur, hvussu umsóknirnar skulu viðgerast.

Í heildarmetingini verður dentur lagdur á, hvussu stóra fíggjarliga orku, umsøkjarin hevur tøka til vinnuligu verkætlanina ella royndina, og førleikarnar hjá umsøkjaranum.

 
Nýggjastu sendingar í ÚV
Hósdag 2. juli
Kvørnin: "Voodoo Pop, Son of Fortune
110939
Hósdag 2. juli
Nón 2. juli 2020
110934
Hósdag 2. juli
Helvtin av børnunum fór ella fóru
110930
Hósdag 2. juli
Ein táttur er silvur 1.partur
110923
Hósdag 2. juli
Góðan morgun Føroyar 02.07.2020
110918
Nýggjastu sendingar í SV
Hósdag 2. juli
Úr savninum: Havið ímillum 2:2
110938
Mánadag 29. juni
3-2
110811
Sunnudag 28. juni
Andakt við Jákupi N. Olsen
110748
Sunnudag 28. juni
Møti úr Kedron í Sørvági
110743