Kvotur til vinnuligar royndir kunnu verða varandi

Roynast kvoturnar væl, verður møguleiki at lata kvoturnar verða varandi.

Nú stendur í lógini, at loyvi kunnu latast í samanlagt trý ár, tó í mesta lagi upp til eitt ár í senn.

Og tey, sum hava nógvar kvotur frammanundan, standa ikki fremst, tá kvotur av uppsjóvarfiski til vinnuligar royndir og verkætlanir at gagnnýta fiskin, verða lutaðar út.   

Broytingar skulu gerast fyrst í lógini um sjófeingi, áðrenn kunngerðin um kvotur til vinnuligar royndir og verkætlanir at gagnnýta uppsjóvarfisk, verður lýst, sigur Jacob Vestergaard, landsstýrismaður.

Lógarbroytingin hevur verið í Fiskivinnuráðnumn.

Hon skal leggjast fram nú, men um hon verður liðug í dag, ella verður løgd fram við 17 undirskriftum, var ógreitt fyrrapartin.

27 uppskot borin tinginum

Uppskotið um at skatta vinningin av fiskiloyvum var ikki klárt at lata løgtinginum, tá freistin fór á middegi.

Uppskotið verður latið løgtinginum í næstum við 17 undirskriftum.

Talan er um eina serlóg við ávísum løgfrøðiligum avbjóðingum, sum fyrisitingin arbeiðir við í løtuni, sigur Løgmansskrivstovan.

Annars hevur landsstýrið latið løgtinginum 27 lógaruppskot hesar seinastu dagarnar.