Størsta minkingin í útlátinum í 30 ár

10.03.2020 - 08:37
AktueltUmhvørvi
Størsta minkingin í útlátinum í 30 ár
Samlaða útlátið av vakstrarhúsgassi í samband við streymframleiðslu kring heimin minkaði tvey prosent í fjør
Í ES og USA er streymframleiðslan frá kolverkum minka við einari helvt síðani 2007
 

Hetta er størsta minking í 30 ár, skrivar The Guardian. Ein nýggj frágreiðing um streymframleiðslu vísir, at minkingin kemur av tí, at USA og ES í størri mun nú framleiða streym við reinari og varandi orkukeldum.

Samstundis minkaði streymurin frá kolverkum í fjør. Hetta, hóast tey framleiddu meira streym frá kolverkum í Kina í fjør.

 >> SÍ EISINI Heimsins lond samd um umhvørvisavtalu

Í ES og USA er streymframleiðslan frá kolverkum minka við einari helvt síðani 2007. Bara í fjør minkaði hetta 25 prosent í ES og 16 prosent í USA.

Onnur viðurskifti gjørdu seg eisini galdandi. Millum annað tað, at veturin ikki var so kaldur, og tí var minni eftirspurningur eftir streymi.

Varandi orkuframleiðslan øktist 15 prosent

Sambært frágreiðingini øktist framleiðslan av vind- og sólorku 15 prosent í fjør, samstundis sum arbeitt verður við stigvíst at minka um kolnýtsluna, sum er sera dálkandi.

Í ES kemur umleið 20 prosent av elframleiðsluni frá varandi orkukeldum, í USA er hetta talið 11 prosent, í India níggju prosent og Kina átta prosent.

Fyri at røkka málunum í Parísavtaluni, skal tað vera ein árligur vøkstur uppá 15 prosent í framleiðsluni av streymi frá varandi orku árliga.

 
Nýggjastu sendingar í ÚV
Mikudag 25. november
Breddin
116774
Mikudag 25. november
Nón 25. november 2020
116767
Mikudag 25. november
Góðan morgun Føroyar
116746
Mikudag 25. november
Tempo - 241120
116740
Mikudag 25. november
Morgunlesturin mikumorgunin 25. november 2020
116530
Nýggjastu sendingar í SV
Týsdag 24. november
Atlantshavið 3:3 - Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610
Sunnudag 22. november
Fótbóltur: NSÍ - KÍ
116620
Sunnudag 22. november
Møti úr Leirvíkar Missiónshúsi
116617