Fleiri verða avbyrgd í Føroyum enn í Danmark

26.03.2020 - 15:23
AktueltPolitikkur
Fleiri verða avbyrgd í Føroyum enn í Danmark
Nick Hækkerup, løgmálaráðharri, sigur, at fútin hevur lovað at kanna, um avbyrging ikki kann avmarkast
Danski løgmálaráðharrin vil hava ítøkilig stig, sum gera, at avbyrging verður minni brúkt
 

Fleiri verða avbyrgd, meðan tey eru varðhaldsfongslað í Føroyum, enn tey, sum eru varðhaldsfongslað í Danmark.

Tað sigur Nick Hækkerup, løgmálaráðharri.

Hann fegnast tí um, at reglurnar um varðhaldsfongsling í nýggju rættargangslógini fyri Føroyar eru meira líkar teimum donsku, sum eru strangari enn tær, sum eru galdandi í Føroyum.

Nick Hækkerup sigur eisini, at fútin hevur lovað at kanna, um avbyrging ikki kann avmarkast.

Ítøkilig stig

Og Løgmálaráðið hevur biðið Ríkisadvokatin og Kriminalforsorgina siga sær, um ítøkilig stig ikki kunnu takast, so avbyrging verður minni brúkt í varðhaldinum í Føroyum. 

Nick Hækkerup sigur hetta í einum svari til Barbaru Gaardlykke Apol, sum hevur verið í Fólkatinginum fyri Sjúrð Skaale.

Hann sigur, at hann fer at síggja til, at almannakunngjørt verður, hvussu nógv verða varðhaldsfongslað og avbyrgd í Føroyum.

Í Danmark verður kunngjørt, hvussu nógv verða varðhaldsfongslað og avbyrgd.    
 

 
Nýggjastu sendingar í ÚV
Hósdag 9. apríl
Mono: Teinar og Trast
107569
Hósdag 9. apríl
Norðurljóð #290 Ljós og linni
107326
Mikudag 8. apríl
Stór óvissa eftir tíðindafundirnar
107530
Mikudag 8. apríl
Áðrenn Elvis 080420
107528
Nýggjastu sendingar í SV
Týsdag 7. apríl
Úr savninum: Kanska um hundrað ár 3:4
107487
Týsdag 7. apríl
Úr savninum: Slóðarar 1:7
107421
Týsdag 7. apríl
Drúgt sjónvarp
107332
Mánadag 6. apríl
Úr savninum: Kennir tú land títt? (2:3)
107297