Grót úr Porkeri avskipast á Drelnesi

Grót úr Porkeri verður nú avskipað á Drelnesi. Tvøroyrar kommuna og Landsverk hava gjørt samstarvssáttmála, sum er galdandi til 30. juni í ár. Í sáttmálanum verður serliga hugsað um ferðlsuna, larm og dálking.

Landsverk fær ikki brúkt havnina í Porkeri, tí brimverjan í Porkeri fekk stóran skaða í uppganginum 29. februar. Flytast skulu 30.000 tons av gróti av Drelnesi.

Grótið verður millum annað brúkt í Eysturoyartunnlinum.  Grótið verður koyrt úr Skørðinum í Porkeri til Drelnes, har tað fer um borð á Havfrakt, sum flytur tað á Sund.