Onnur fólk umsita nú landsins triðing í BankNordik

Fíggingargrunnurin frá 1992 hevur fingið nýggja nevnd.

Nú eru í nevndini Eli Christiansen í Havn, sum er formaður, Helga á Borg á Argjum, Katrin Thorsvig Hansen í Havn, Arne Poulsen í Hoyvík og Atli Suni Leo í Havn.

Úr nevndini eru farin Ingibjørg Berg í Havn, sum var nevndarforkvinna, John Henrik Holm í Vági, Hans Arni Bjarnason Thomsen í Klaksvík, Annfinnur Hjelm í Havn og Marjun Paula Eystberg í Havn.

Valskeiðið hjá nevndini er trý ár.

Landsstýrismaðurin í fíggjarmálum velur fýra av teimum fimm nevndarlimunum. Tey fýra velja so fimta nevndarlimin.

Fíggingargrunnurin umsitur partapengarnar hjá landinum í BankNordik.

Landið eigur ein triðing í BankNordik.