Umsitingarætlanin grundarlag undir fiskidøgum

Umsitingarætlanin skal brúkast, tá fiskidagarnir verða ásettir.

Frá næsta ári ásetur landsstýrismaðurin í fiskivinnumálum fiskidagarnar í kunngerð.

Ætlanin er, at fiskidagatalið bara verður broytt, tá farið verður upp um ella niður um mørkini í umsitingarætlanini. Tá verður dagatalið hækkað ella lækkað fimm prosent.

Veiðireglan í umsitingarætlanini um lutfallið millum veiðu og fiskastovnar skal gera, at ikki verður neyðugt at broyta fiskidagatalið hvørt ár.

Miðað verður eftir, at umsitingarætlanin verður tøk seinni í ár, stendur í ískoytinum til røðuna hjá løgmanni í gjár.