Brúkaraumboðið: Ómaksgjaldið skal vera við

Brúkaraumboðið: Ómaksgjaldið skal vera við
Rannvá Ragnarsdóttir er stjóri í Brúkaraumboðnum
 
07.09.2020 - 08:45

Ómaksgjaldið skal vera við, tá prísurin verður upplýstur fyrstu ferð.

Tað sigur Brúkaraumboðið, sum hevur staðfest, at nakrar netsølur, sum selja atgongumerki til eitt nú festivalar ella konsertir, ikki nóg sjónliga upplýsa prísin við ómaksgjaldi fyri atgongumerki.

Ómaksgjaldið varð lagt afturat, tá bílagt varð á heimasíðuni.

Gjaldið varð lagt aftrat

Á heimasíðunum var prísurin á sjálvum atgongumerkinum tað fyrsta, keyparin sá, og síðani, at ómaksgjald var lagt afturat.

- Prísirnir á heimasíðunum vístu seg í fyrsta lagi at vera uttan ómaksgjald. 

Hetta er ikki í samsvari við lógina um marknaðarføring, sigur Rannvá Ragnarsdóttir, stjóri í Brúkaraumboðnum.

Brúkaraumboðið hevur heitt á atgongumerkjasølurnar um at upplýsa allan prísin fyri atgongumerki sum tað fyrsta, tað er prísin við møguligum ómaksgjaldi. 

Er broytt

Hetta hava netsølurnar tikið undir við og broytt.

Brúkaraumboðið sigur eisini, at um ikki ber til at upplýsa allan prísin, áðrenn keyparin hevur trýst talið á atgongumerkjum, so eigur at upplýsast týðiliga, hvussu samlaði prísurin verður útroknaður.

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585