Meginparturin av skuldini er fyrnaður

104 skuldarar, sum skylda landskassanum góðar 185,5 mió, kr., eru til innheintingar hjá Taks.

160,8 milliónir eru fyrnaðar, skuldin er vorðin ov gomul at krevja, og Taks mælir til, at hesar milliónirnar verða strikaðar.

Skuldin, sum ikki er fyrnað, er 24,7 mió.kr. Hana eiga 45 skuldarar. 

Hava grannskoðað veðhaldsútreiðslur

Talan er um kontuna effektivar veðhaldsútreiðslur í landsroknskapinum, sum Landsgrannskoðanin hevur grannskoðað.

Í 2014 fór Taks við hjálp frá advokati gjøgnum saldulistan fyri at rudda upp í eftirstøðum. 

Úrslitið var, at nógv vinnulán vórðu fult avskrivað, tí feløgini vóru strikað í partafelagsskránni. 

Í 2014 vórðu 20,2 mió.kr. avskrivaðar, og í 2017 vórðu 18,4 mió.kr. avskrivaðar.