Vil leingja heimildina at lata skeinkistøð aftur

bannari
16.09.2020 - 14:50
AktueltPolitikkur
Vil leingja heimildina at lata skeinkistøð aftur
Skipanin verður tó ikki galdandi fyri take away
Landsstýrismaðurin biður tingið um at leingja heimildina at lata matstovur og skeinkistøð aftur
Mynd: Bjarni Árting Rubeksen  
 

Landsstýrismaðurin í umhvørvis- og vinnumálum, Helgi Abrahamsen, biður nú løgtingið um at leingja tíðaravmarkaðu heimildina at lata matstovur og skeinkistøð aftur, til tess at forða fyri, at Covid-19 breiðir seg.

Galdandi lóg fór úr gildi 31. august, og nú verður biðið um, at lógin verður longd til nýggjárs. 

Lógin verður tó ikki galdandi fyri matsølu frá føstum sølustaði, har eingin borðreiðing er -  tað, sum eisini verður nevnt take away.

Samstundis verður reglan, um at matstovur og skeinkingarstøð kunnu fáa stuðul til fastar útreiðslur í sambandi við Covid-19, longd. 

Í mesta lagi 10 mió. kr.

Stuðulsupphæddin er 75 prosent, um afturgongdin í umsetninginum er millum 60 og 100 prosent. Hon er 50 prosent, um afturgongdin í umsetninginum er millum 40 og 60 prosent. 

Hvør fyritøka kann í mesta lagi fáa 10 milliónir kr.

Umhvørvis- og vinnumálaraðið sigur, at i løtuni er ilt at siga, hvussu nógv stuðulsskipanin verður brúkt, og hvussu nógv hon fer at kosta. Men ein varislig meting er ein til tvær milliónir kr. 

Uppskotið fær fyrstu viðgerð í tinginum týsdagin 22. september. 

 
Nýggjastu sendingar í ÚV
Hósdag 29. oktober
Góðan morgun Føroyar
115484
Hósdag 29. oktober
Jazzofonin - Norðurlenskur jazzur
115480
Hósdag 29. oktober
Morgunlestur hósdagur 29. oktober 2020
115363
Mikudag 28. oktober
Breddin
115464
Mikudag 28. oktober
Nón 28. oktober 2020
115459
Nýggjastu sendingar í SV
Týsdag 27. oktober
Atlantshavið (2:3) - Fjøllini í dýpinum
115407
Mánadag 26. oktober
3-2
115334
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261
Hósdag 22. oktober
Lí­numenn 1:3
115178