- Tíðindi, mentan og ítróttur
Navalnyj eitraður av eini vatnfløsku
Russiski andstøðingurin, Aleksej Navalnyj, varð ikki eitraður á flogvøllinum, men av einari vatnfløsku á kamari sínum á gistingarhúsinum í Tomsk. Hetta var í august.
Tey siga tey, sum eru Navalnyj næst, skrivar Reuters.
Ein týsk kanningarstova váttar, at slóð eftir nervaeitrið novichok var í fløskuni.
Felagsskapurin, sum vil banna kjarnorkuvápnum, OPWC, sigur, at Týskland vil hava hjálp til at kanna málið um novichok.
Navalnyj var á veg við flogfari úr Tomsk til Moskva, tá hann gjørdist illa fyri, og neyðugt var hjá flogfarinum at neyðlenda.
Hann varð fluttur á sjúkrahús í Russlandi, men seinni fluttur til Týsklands.
Greiningar vísa, at hann var eitraður við novichok.
Týsdagin var fyrstu ferð, at Navalnyj andaði sjálvur eftir, at hann varð eitraður.