Twitter fjalt koronuboð frá Trump

bannari
12.10.2020 - 09:03
AktueltÚtheimurin
Twitter fjalt koronuboð frá Trump
Boðini eru í stríð við reglugerðina hjá Twitter um at breiða út villleiðandi upplýsingar, sigur sosiali miðilin
Sosiali miðilin, Twitter, hevur fjalt eini boð frá amerikanska forsetanum, Donald Trump
 

Orsøkin er, at boðini eru í stríð við reglugerðina hjá Twitter um at breiða út villleiðandi og møguliga skaðiliga kunning um koronufarsóttina.

Í boðunum, sum Trump skrivaði í gjár, stendur, at læknarnir í Hvítu Húsunum siga, at hann er frískur. Trump skrivaði:

Læknarir í Hvítu Húsunum útskrivaðu meg í gjár. Tað merkir, at eg kann ikki fáa hana (mótstøðuførur), og kann ikki smitta nakran. Og tað er gott at vita.

Vissar um, at hann hevur tað gott

Hetta er ikki fyrstu ferð, at Twitter fjalir boð frá amerikanska forsetanum. Í síðstu viku fjaldi Twitter eini boð, har Trump segði, at færri doyggja av koronusmittuni enn av vanligum beinkrími.

Í mai fjaldi Twitter eini boð frá Trump, og í juni vórðu eini boð fjald, tí "í boðunum vóru hóttan um skaða". Talsfólk fyri Twitter sigur við Reuters, at boðini bóru misvísandi kunning um heilsu í sambandi við COVID-19.

Tað er ikki greitt, hvussu leingi fólk, sum eru frísk eftir at hava havt koronusmittu, eru mótstøðufør. Í samrøðu við Fox News vissaði Donald Trump aftur um, at hann er mótstøðuførur og hevur tað gott.

 
Nýggjastu sendingar í ÚV
Mánadag 26. oktober
Morgunlestur mánadagur 26.oktober 2020
115141
Sunnudag 25. oktober
Guðstænasta í Fuglafjarðar kirkju
115254
Sunnudag 25. oktober
Meg minnist: Einar Larsen (5:5)
115110
Sunnudag 25. oktober
Ólavur Højgaard er gestur í Brunsj
115244
Sunnudag 25. oktober
Credo: Vakurleiki
115203
Nýggjastu sendingar í SV
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261
Hósdag 22. oktober
Lí­numenn 1:3
115178
Hósdag 22. oktober
Mentanarbroytingar og Public Service
115122
Mikudag 21. oktober
Eivør - útgávukonsert
115073