902 fosturtøkur í Grønlandi í fjør

Í fjør vórðu 902 fosturtøkur framdar í Grønlandi. Sostatt verða framdar nærum eins nógvar fosturtøkur, sum børn verða fødd.

Tað vísir ein uppgerð hjá grønlendska landslæknaembætinum, sum blaðið, AG, hevur fingið innlit í.

Tó vóru 20 færri fosturtøkur í fjør enn í 2018.

Uppgerðin vísir, at flestu kvinnurnar, sum valdu abort, vóru millum 20 og 29 ár, men eisini gentur niður í 13-14 ára aldur fingu fosturtøku.

Tilsamans valdu 161 tannáringar abort, teirra millum vóru seks undir 15 ár.

Tann elsta var ein kvinna, sum fekk fosturtøku, er 45 ára gomul, skrivar blaðið.