Harvard sleppur ikki at hava útlendsk lesandi

Lærdi háskúlin Harvard Í USA hevur mist rættin at taka móti lesandi úr øðrum londum.

Tað sigur Kristi Noem, sum er ráðharri í innríkistrygdarmálum.

Avgerðin hevur eisini við sær, at útlendingar, sum lesa á Harvard, noyðast at flyta á annað universitet, ella missa tey uppihaldsloyvið. 

Kristi Noem sigur, at Harvard hevur verið við til at "fremja harðskap, antisemitismu og at samskipa við kinesiska kommunistaflokkin á økinum við lærda háskúlan." 

Sambært Reuters hava talsfólk fyri Harvard sagt, at avgerðin er ólóglig, og at tey ætla sær at varðveita rættin at hava útlendsk lesandi.

Í løtuni eru umleið 6.800 lesandi á Harvard útlendingar, ella umleið 27 prosent.