Trump hóttir við eykatolli á vørur úr ES

Amerikanski forsetin mælir til at leggja 50 prosent eykatoll á allar vørur, sum verða innfluttar til USA úr ES.

Tollhækkingin skal koma í gildi um níggju dagar dagar, 1. juni.

Sambært Donald Trump er naggatódn komin í handilssamráðingarnar millum ES og USA.

Á sosiala miðli sínum Truth Social skrivar hann:

- Naggatódn er komin í samráðingarnar. Eg mæli tí til ein beinleiðis toll upp á 50 prosent á vørur úr Evropeiska samveldinum, sum kemur í gildi 1. juni 2025.

Trump skrivar víðari.

- Eingin tollur verður lagdur á vørur, sum eru gjørdar ella framleiddar í USA.

Partabrøvini lækka

Partabrøvini í Evropa eru lækkað í virði eftir boðini hjá amerikanska forsetanum.

Danska C25-vísitalið er minkað sløk tvey prosent, CAC 40-vísitalið í París 2,8 prosent og týska DAX-vísitalið 2,5 prosent.

- Tollurin rakar danskt vinnulív meint, sigur tíðindamaðurin hjá TV2 í vinnulívsmálum, Ole Krohn: