Trump: Putin vil ikki enda kríggið

Amerikanski forsetin, Donald Trump, heldur ikki longur, at russiski forsetin, Vladimir Putin, vil enda kríggið í Ukraina, tí Putin heldur, at hann er um at vinna kríggið.

Tað hevur Trump sagt við leiðarar í Evropa, skrivar Wall Street Journal, sum vísir til keldur.

Sambært blaðnum, segði Trump hetta á telefonfundi mánadagin, har m.a. ukrainski forsetin Volodymyr Zelenskyj, franski forsetin Emmanuel Macron, týski samveldiskanslarin Friedrih Merz, italski forsætisráðharrin Giorgia Meloni og forkvinnan í ES-nevndini Ursula von der Leyen vóru við á linjuni.

Trump hevði undan hesum telefonfundinum tosað við russiska forsetan í telefon, skrivar Wall Street Journal.