Støðan í sjúkrahúsverkinum ógreið

Tað váttaði Steinar Eirikstoft, forstjóri í Degi og Viku í gjárkvøldið, tá hann var gestur hjá sendingini.

Men ruðulleiki var eina løtu seinnapartin, tá Felagið Føroyskir Sjúkrarøktarfrøðingar kravdu 200 krónur um tíman fyri hvørt undantakið.

Nakað, sum Margit Stórá, varasjúkrahústjóri, segði kostaði Sjúkrahúsverki Føroya umleið 80.000 krónur um samdøgrið.

Tænastumenn innkallaðir

Eisini var ógreitt eina løtu seinnapartin í gjár, um øll undantøk vórðu tikin aftur, tá sjúkrahúsverkið vísti hesum kravinum frá sær.

Sjúkrahúsverkið kallaði 28 tænastumenn inn, sum í nógvum førum eru yvirlæknar, men Óluva í Gong, forkvinna í felagnum hjá sjúkrarøktarfrøðingunum, vísti aftur, at tey høvdu biðið teirra limir fara til hús.

Júst hvør stjórnin er, sum sambært Óluvu í Gong hevði givið boðini til sjúkrarøktarfrøðingarnar um at fara heim, visti forkvinnan hjá sjúkrarøktarfrøðingunum ikki at siga í gjárkvøldið.