Hús í Havn kosta nú meira enn fimm milliónir

bannari
19.11.2020 - 16:00
AktueltPengar
Hús í Havn kosta nú meira enn fimm milliónir
Korona hevur ikki havt stórvegis ávirkan á húsasøluna. Tvørturímóti verða sethús seld skjótari í ár enn í fjør, sigur Betri Banki
Kára á Dunga, stjóri í Betri Heimi, staðfestir, at sethúsaprísirnir hækka støðugt. Hús verða selda skjótari í ár enn í fjør
 

Í hesum árinum eru sethús í høvuðsstaðnum seld fyri meira enn fimm milliónir krónur.

Tað vísa nýggjastu hagtølini hjá Betri Banka, sigur bankin í tíðindaskrivi.

Miðal sethúsaprísurin í høvuðsstaðnum var umleið 3,2 mió. kr. í triðja ársfjórðingi í ár. Tað svarar til, at miðal sethúsaprísurin er hækkaður umleið 3,5 prosent í 2020.

Prísurin hækkar støðugt

- Miðal sethúsaprísurin hækkar støðugt.  Vit kunnu eisini staðfesta, at í hesum árinum eru sethús í høvuðsstaðnum seld fyri meira enn fimm milliónir kr. Og tað er fyrstu ferð, at vit síggja tað, sigur Kára á Dunga, stjóri í Betri Heimi.

Í Klaksvík og Eysturoynni er hægsti prísur, sum sethús eru seld fyri, farin upp um tríggjar milliónir kr. Í Vágum eru hús seld fyri væl meira enn tvær milliónir kr.

- Eftirspurningurin er framvegis stórur, men útboðið er ikki so stórt. Koronukreppan hevur ikki havt stórvegis ávirkan á keyp og sølu av sethúsum, men ein broyting er, at sethús verða seld skjótari í ár enn í fjør. Tað bendir á, at áhugin í øllum førum enn er stórur, sigur Kára á Dunga.  

 
Nýggjastu sendingar í ÚV
Mánadag 1. mars
Nón 1. mars 2021
120976
Mánadag 1. mars
Norðurljóð 1.mars 2021
120909
Mánadag 1. mars
Áðrenn Elvis 1. mars 2021
120971
Mánadag 1. mars
Stórsteypadysturin bleiv umrøddur
120964
Nýggjastu sendingar í SV
Sunnudag 28. februar
TeenStreet lovsangur 5:5
120907
Sunnudag 28. februar
Andakt við Margareth Djurhuus
120906
Sunnudag 28. februar
Guðstænasta úr Christianskirkjuni.
120902
Leygardag 27. februar
Flogbóltur: ÍF - Mjølnir
120899
Leygardag 27. februar
Flogbóltur: Dráttur - SÍ
120898