Eitt lík funnið í Gjerdrum

Bjargingarfólk í norska Gjerdrum norðanfyri Oslo hava nú grava seg fram til eitt fólk, ið hevur latið lív av skriðuni, sum leyp mikudagin.

Tað váttar átaksleiðarin, Roy Alkvist, á tíðindafundi seinnapartin.

Bjargingararbeiðið heldur fram restina av degnum.

Níggju horvin

Enn eru níggju fólk ikki komin afturíaftur.

Higartil hevur verið leitað við dronu, tí tað hevur verið ov vandamikið at senda fólk í økið at leita. 

Skriðan er umleið 300 metrar breið og umleið 700 metrar long. Níggju bygningar, har 31 húski hava búð, eru farin í skriðulopinum. Seks bilhús eru eisini farin í skriðulopinum. Skriðan ger enn um seg og vandi er fyri, at fleiri hús kunnu fara í skriðuni, skrivar VG.