Sambýlið á Mýrini einmælt samtykt

Løgtingið hevur einmælt samtykt at byggja sambýli á Mýrini í Hoyvík fyri í mesta lagi 48 milliónir kr.

27 atkvøður vóru fyri. Uppskotið skal hava eina viðgerð aftrat, og hon verður týsdagin 26. januar

Øll fíggjarnevndin tók undir við uppskotinum hjá Elsebeth Mercedis Gunnleygsdóttir, landsstýriskvinnu.

Nevndin sigur, at raksturin hjá sambýlinum fer at kosta góðar 9,6 mió. kr. netto.

Stórur tørvur

Fíggjarnevndin sigur, at hon enn einaferð hevur fingið at vita, at bíðilistin er langur eftir búplássi til fólk við menningartarni í Havn. 

Tað er tí átrokandi at útvegað fleiri bústaðir til fólk við menningartarni so skjótt sum tilber, sigur nevndin.

Á Mýrini verður pláss fyri 18 fólkum.

Jørðarbeiðið á Mýrini í Hoyvík er boðið út.