Kæra um stjórasetan skal viðgerast av nýggjum

Uttanríkis- og Mentamálaráðið er biðið um at viðgera kæruna um stjórasetanina á Tjóðpallinum av nýggjum.

Ráðið hevur eisini fingið átalu fyri, hvussu tað handfór kæruna um setanina.  

Løgtingsins umboðsmaður heldur, at aðalráðið hevði ikki allar neyðugar upplýsingar í málinum fyri at staðfesta, at Leiklistaráðið hevði tikið saklig atlit í sambandi við, at nýggjur stjóri varð settur á Tjóðpallinum.

Leikarafelag Føroya kærdi stjórasetanina til Løgtingsins umboðsmann.

Fyrst kærdi felagið til Uttanríkis- og Mentamálaráðið, men fekk ikki viðhald har.

Uttanríkis- og mentamálaráðið viðgjørdi kæruna hjá Leikarafelagnum uttan at hava sæð umsóknir, innstilling, fullfíggjaðar fundarfrágreiðingar og annað.