Demokratarnir farnir úr landsstýrinum

Demokratarnir eru farnir úr politisku samgonguni í Grønlandi.

- Vit mæla til, at val verður útskrivað nú, segði Jens Frederik Nielsen, formaður hjá Demokratunum, á tíðindafundi fyri løtu síðani.

Hóast Demokratarnir nú fara úr samgonguni, og floksformaðurin mælir til nýval, er tað als ikki vist, at val verður útskrivað í Grønlandi.

Ta avgerðina hevur Kim Kielsen, landsstýrisformaður.

Kim Kielsen kann útskriva val í Grønlandi, men hann kann eisini halda fram við minnilutastjórnini, sum hann eisini hevur gjørt síðani 2018.

Demokratarnir komu ikki upp í samgonguna í Grønlandi fyrr enn 29. mai í fjør.