Arbeiða við broytingaruppskoti

Tá tingfundurin varð settur fyri løtu síðani, boðaði Jógvan á Lakjuni frá, at fundurin varð niðurlagdur beinan vegin, tí arbeitt verður við einum broytingaruppskot til málið um at javnseta samkynd við hinskynd í barsilslógini.

Løgtingsformaðurin segði, at tingfundurin verður tikin uppaftur klokkan 13.30.

Uppskotið frá teimum átta tingfólkunum í andstøðuni um barsilslógina var annars fyrsta mál á skránni at fáa aðru viðgerð á tingfundinum klokkan 11.