Freistin at søkja kommunulæknastørv er í dag

Umsóknarfreistin til tey sjey kommunulæknastørvini, sum Heilsutrygd lýsti leys fyrst í februar, er á middegi í dag.

Í Norðoya læknadømi er eitt starv leyst at søkja. Í Suðuroyar læknadømi eru trý størv leys at søkja; tvey á Tvøroyri og eitt í Vági. 

Í Skálafjarðar læknadømi eru tvey størv leys at søkja, eitt í Runavík og eitt á Strondum, fyribils, tí arbeitt verður við at savna læknarnir í Skálafjarðar læknadømi í Heilsudeplinum í Runavík.

Og í Vestmanna læknadømi er eitt kommunulæknastarv leyst, tað er í Kollafirði.

Ymiskt er, hvussu nógv fólk eru knýtt at viðtalunum. Tey eru 1.000 í Vági og 1.750 í Klaksvík.