Kanna møgulekan fyri bergholi í Havn

Tórshavnar býráð skal í kvøld taka støðu til eitt uppskot um forkanningar í tí sambandi. Bergholið verður 1.300 metrar langt. Forkanningarnar í berginum eru mettar at kosta 800.000 krónur.

Arbeiðið verður boðið út millum tær tvær fyritøkurnar í Føroyum, sum sambært Tórshavnar kommunu kunnu gera hesar kanningarnar.

Tær eru Kristian Stórhamar í Trongisvági og Grevstur MS, sum Martin Sivertsen í Norðdepil hevur. Meirilutin í Teknisku nevnd og meirilutin í Fíggjarnevndini mæla býráðnum til at samtykkja uppskotið um forkanningar.