- Tíðindi, mentan og ítróttur
Øll starvsfólk skulu fáa somu viðferð
Øll starvsfólk skulu fáa somu viðferð
Trine Bramsen, verjumálaráðharri, hevur svarað fyrispurningi frá Sjúrði Skaale, fólkatingsmanni
![](https://kvf.fo/sites/default/files/styles/grein-ovasta-mynd/public/sjurdur.png?itok=0cac13PI)
Sjúrður Skaale, fólkatingsmaður, spurdi Trine Bramsen, verjumálaráðharra, hví føroyingar, sum arbeiða í donsku sjóverjuni, skulu gjalda flogferðir sjálvir
11.03.2021 - 09:46
Trine Bramsen, verjumálaráðharri, hevur biðið Verjumálaráðið tryggja, at øll, sum arbeiða í verjuni í Norðuratlantshavi og í Arktis, fáa somu viðferð.
Øll í ríkisfelagsskapinum eiga at hava somu sømdir, sigur Trine Bramsen.
Hon hevur tikið hetta stigið, eftir at Sjúrður Skaale, fólkatingsmaður, spurdi hana, hví føroyingar, sum arbeiða í donsku sjóverjuni, skulu gjalda flogferðir sjálvir, tá hetta ikki er galdandi fyri grønlendingar.
Grønlendingar fáa endurgoldnar sínar ferðaútreiðslur, tá tey ferðast í arbeiðsørindum fyri donsku verjuna, sigur Sjúrður Skaale.
Nýggjastu sendingar í ÚV
Nýggjastu sendingar í SV