WHO hevur fund við ES um AstraZeneca

bannari
16.03.2021 - 09:32
AktueltÚtheimurin
WHO hevur fund við ES um AstraZeneca
Stjórin í heimsheilsustovninum sigur, at neyðugt er við upplýsingum, nú fleiri lond er givin at koppseta við koppingarevni frá AstraZeneca
Fleiri lond eru givin fyribils at koppseta við koppingarevninum frá AstraZeneca
 

Heimsheilsustovnurin, WHO, fer í dag á fund við evropeiska heilivágsstovnin, EMA, eftir at fleiri lond í Evropa hava gjørt av at gevast við at koppseta fólk fyri koronu við koppingarevninum frá AstraZeneca.

Stjórin í heimsheilsustovninum, Ghebreysus, sigur, at heimsheilsustovnurin hevur tørv á fleiri upplýsingum, eftir at Týskland, Frakland, Italia, Spania, Danmark, Noreg og fleiri onnur lond fyribils eru givin at nýta koppingarevnið frá AstraZeneca.

Fingið blóðtøpp

Summi hava fingið blóðtøpp, eftir at verða koppsett við evninum frá AstraZeneca, og onnur eru deyð eftir koppsetingina.

Vit hava valt at steðga á at nýta evnið frá AstraZeneca, tí óvissan er so stór, segði týski heilsumálaráðharrin, Jens Spahn, tá hann boðaði frá týsku avgerðini um at steðga á við koppingarevninum.

Hann segði seg hava fingið kunning frá serfrøðingum á Paul Ehrlich-stovninum, sum sáddi iva um koppingarevnið frá AstraZeneca.

Heilsumyndugleikarnir í fleiri evropeiskum londum hava boðað frá, at steðgað verður á at nýta koppingarevnið frá AstraZeneca, til fleiri kanningar eru gjørdar.

17 mió. fólk koppsett

Umleið 17 milliónir fólk eru koppsett við AstraZeneca í Evropa, og í farnu viku vóru umleið  40 tilburðir av hjáárinum av koppingini, vísir AstraZeneca á. Og felagið sigur, at tilburðirnir eru færri enn vanligt er, tá so nógv fólk verða koppsett.

Heimsheilsustovnurin sigur seg ikki síggja nakran vanda í koppingarevninum frá AstraZeneca, og biður londini um at halda fram at koppseta fólk, Tað sama sigur evropeiski heilivágsstovnurin, EMA.

Stjórin í WHO, Ghebreysus, sigur seg vita um tilburðirnar av blóðtøppi, men eingi prógv eru fyri, at teir stava frá koppingarevninum. Men av tí at ivin er so stórur, er neyðugt at fáa greiðu á støðuni, sigur hann.

Nýggj tilráðing hósdagin

Eftir fundin í dag við WHO, fer evropeiski heilivágsstovnurin at hava fund um støðuna, og hósdagin kemur væntandi ein nýggj tilráðing frá stovninum.

Í Svøríki og Bretlandi verður hildið fram at koppseta fyri koronu við AstraZeneca, tí í teimum londunum siga myndugleikarnir seg ikki kenna til nakra keðiliga ávirkan av koppingarevninum.

Er kopiera
Nýggjastu sendingar í ÚV
Leygardag 17. apríl
Frá fyrsta Smirli til í dag - 11. sending
122923
Leygardag 17. apríl
TEMAPLÁTAN: New Jersey, Bon Jovi, 1988
122961
Leygardag 17. apríl
Hetta heilaga Evangeliið skrivar
122959
Leygardag 17. apríl
Brunsj við Niels Petur Nolsøe (NePtuN)
122958
Leygardag 17. apríl
Akkerini vóru bjargingin
122792
Nýggjastu sendingar í SV
Leygardag 17. apríl
Hondbóltur: VÍF - H71
122963
Hósdag 15. apríl
Tóki
122879
Mikudag 14. apríl
Hondbóltur: H71 - VÍF
122834
Mikudag 14. apríl
Hondbóltur: Neistin - STIF, 1. FM-finalan
122833
Týsdag 13. apríl
Katrin Danielsen, Ílegusavnið
118857