Torgið í Vágsbotni skipast umaftur

Torgið í Vágsbotni skal í summar skipast av nýggjum. Tað samtykti Tórshavnar kommuna einmælt á býráðsfundinum, sum var hóskvøldið.

Umsitingin í kommununi skal nú hyggja at økinum umaftur, og ymiskir áhugapartar skulu eisini hoyrast, nú torgið skal skipast.

Umsitingin heimild at umskipa økið

Projektkapping var í fjør summar um torgið í Vágsbotni, og fleiri hava síðani tá sett fram ynski um at umraðfesta og hyggja at økinum av nýggjum.

Umsitingin í Tórshavnar kommunu hevur tí ikki arbeitt víðari við vinnandi uppskotinum, sigur Tórshavnar kommuna eftir býráðsfundin hóskvøldið.

Býráðið hevur heimilað umsitingini at skipa torgið í summar við at innlima ymisku áhugapartarnar, soleiðis at fyribils verkætlanin kann virka undir eini endaligari skipan av økinum.