Sethúsini dýrkaðu 90.000 krónur í fjør

bannari
31.03.2021 - 11:01
AktueltPengar
Sethúsini dýrkaðu 90.000 krónur í fjør
Í høvuðsstaðnum vórðu húsini seld fyri 3,28 milliónir krónur, 183.000 krónur meira enn fyrraárið
Sethúsaprísurin í Havn dýrkaði 183.000 kr. í fjør
Mynd: Savnsmynd  
 

Sethúsaprísirnir í Føroyum hækka framvegis. Í fjør vórðu sethúsini í miðal seld fyri 1,95 milliónir krónur, í 2019 var miðaplrísurin 1,86 milliónir krónur.

Sostatt dýrkaðu sethúsini í Føroyum 90.000 krónur í fjør sammett við fyrraárið, vísa nýggj tøl hjá Hagstovu Føroya.

Meira enn triggjar milliónir

Sethúsaprísirnir eru dýrkaðir í øllum landinum, men ikki óvæntað var prísvøksturin størstur í Havnini frá 2019 - 2020.

Í høvuðsstaðnum vórðu húsini í fjør seld fyri 3,28 milliónir krónur, sum eru 183.000 krónur meira enn fyrraárið.

Í teimum størru bygdunum og býunum dýrkaðu húsini 160.000 krónur, upp í 1,57 milliónir krónur í fjør

Fleiri hús seld

Minsti prísvøksturin í krónum var í teimum smærru bygdunum, har húsini í fjør dýrkaðu 96.000 krónur, upp í 1,32 milliónir krónur.

Tað var ikki bara miðal søluprísurin fyri sethús, sum hækkaði í fjør, tað gjørdi sølan eisini.

Í 2019 vórðu 314 hús seld í Føroyum, í fjør vórðu 376 hús seld í Føroyum, vísa tølini hjá Hagstovu Føroya.

Er kopiera
Nýggjastu sendingar í ÚV
Fríggjadag 22. oktober
Nón 22. oktober 2021
130273
Fríggjadag 22. oktober
Góðan morgun Føroyar 22.10.2021
130243
Fríggjadag 22. oktober
Breddin
130242
Fríggjadag 22. oktober
Morgunlestur fríggjadagur 22.oktober 2021
130229
Nýggjastu sendingar í SV
Fríggjadag 22. oktober
í Luftini við Daniu O. Tausen
130270
Hósdag 21. oktober
Hin gloymda oyggin - seinni partur
130217
Týsdag 19. oktober
VIDEO: LFB byggir ein dronubil
130041
Mánadag 18. oktober
3-2
130065