Størst sunnanfyri minst eystanfyri

Arbeiðsloysið í Føroyum var í januar 1,5 prosent.

Eitt ár undan tí, í januar í fjør, var arbeiðsloysið í Føroyum 1,1 prosent, sigur Hagstovan.

Í januar vóru tilsamans 437 fólk í Føroyum fulltíðararbeiðsleys.

Størst sunnanfyri

Lutfalsliga eru flest arbeiðsleys í teimum sunnaru oyggjunum í landinum.

Størsta arbeiðsloysið var í Suðuroy, har arbeiðsloysið í januar var 2,4 prosent.

Í Sandoy var 1,8 prosent av arbeiðsfjøldini í januar arbeiðsleys.

Hinvegin var arbeiðsloysið minst í Eysturoy og í Norðoyggjum, har arbeiðsloysið í januar var 1,0 prosent.