ES góðkent franskan stuðul til AirFrance

ES hevur góðkent keypið, og Frakland er nú størsti partaeigari í flogfelagnum. Keypið merkir, at Frakland setir í mesta lagi fýra milliardir evrur í felagið, ið svarar til knappar 30 milliardir krónur

Hetta er partur av einum hjálparpakka, skrivar DR. Afturfyri hjálpina skal flogfelagið, AirFrance, lata 18 sonevnd "slots" til Orly-flogvøllin í París frá sær. Eitt slott er eitt flogloyvi fyri hvørjar 10 minuttir.

Forkvinnan í ES-kappingarnevndini, Margrethe Vestager, sigur, at hetta gevur kappingarneytunum hjá AirFrance møguleika fyri at økja um sítt virksemi á flogvøllinum, og tað skal tryggja kappingarførar prísir, umframt størri útboð til kundarnar.