Betri-stjórar upp í løn

Meðan nógvir samfelagsbólkar fóru niður í løn undir koronukreppuárinum 2020, og heitt annars var á fólk um at vísa samfelagssinni, fóru stjórarnir í Betri-samtakinum upp í løn við tilsamans 356.000 krónum. 

Tað stendur at lesa í roknskapinum hjá Betri-samtakinum fyri 2020. Lønin hjá Jean Djurhuus, forstjóra, hækkaði við 150.000 krónum um árið, úr 2,1 milliónum upp í 2,25 milliónir krónur. 

Lønin hjá Olav Guttesen, stjóra, hækkaði somuleiðis við 150.000 krónum í 2020, úr hálvari aðrari millión upp 1,75 milliónir krónur. Samlaðu útgjaldingar til stjórar og nevnd í Betri-samtakinum var í 2020 6,7 milliónir krónur.