Skal ikki upp í ósemju um Familjufyrisitingina

Skal ikki upp í ósemju um Familjufyrisitingina
Størvini eru longu í sáttmálanum hjá Starvsfelagnum, sigur Fasti gerðarrættur
Starvsfelagið sigur, at starvsfólk í Familjufyrisitingini fáa verri sømdir, nú økið er yvirtikið, og vildi hava Semingsstovnin upp í málið, men Fasti gerðarrættur sigur nei
 
09.06.2021 - 08:30

Semingsstovnurin skal ikki upp í ósemjuna millum Starvsfelagið og Fíggjarmálaráðið um sáttmála fyri starvsfólk í yvirtiknu Familjufyrisitingini.

Tað hevur Fasti gerðarrættur avgjørt.

Starvsfelagið kravdi, at Fíggjarmálaráðið og Semingsstovnurin skuldu viðurkenna, at Semingsstovnurin hevur heimild til at royna semju millum Starvsfelagið og Fíggjarmálaráðið um sáttmála fyri starvsfólk í yvirtiknu Familjufyrisitingini.

Tey eru flutt úr donskum fakfelagi í Starvsfelagið.

Verri sømdir

Starvsfelagið sigur, at tey hava verri sømdir nú, tey eru yvirtikin.

Í úrskurðinum hjá Fasta gerðarrætti er Semingsstovnurin frídømdur.

Fasti gerðarrættur heldur ikki, at Starvsfelagið hevur gjørt sannlíkt ella prógvað, at størvini í Familjufyrisitingini ikki eru sum onnur størv, sum eru í sáttmálanum hjá Starvsfelagnum.

Størvini eru longu í sáttmálanum hjá Starvsfelagnum, sigur Fasti gerðarrættur.


 

Er kopiera
Nýggjastu sendingar í ÚV
Hósdag 13. februar
RagnarRokk 13.februar 2025
186373
Hósdag 13. februar
Carl Berglund um Echoes
186371
Hósdag 13. februar
RagnarRokk: Jack Svendsen um III
186368
Hósdag 13. februar
Andarblak 13. februar 2025
187739
Nýggjastu sendingar í SV
Mikudag 12. februar
Merkja grind
187663
Týsdag 11. februar
Veðrið
187639
Týsdag 11. februar
Dagur og vika við 3-2 - teknmálstulkað
187616
Sunnudag 9. februar
Guðstænasta úr kirkjuni á Leiti
187534
Fríggjadag 7. februar
Veðrið
187497