Innlagdur eftir harðskap við skaða í høvdinum

Ein maður varð í nátt innlagdur eftir harðskap í miðbýnum í Havn.

Maðurin hevur fingið skaða í høvdið.

Politiið fekk fráboðan um tveir harðsskapstilburðir í nátt.

Í báðum førum er talan um grovan harðskap.

Í øðrum førinum skulu tveir menn hava lopið á ein. Í hinum førinum skal ein maður hava lopið á ein annan.

Yngri enn 18 ár

Tann eini álopsmaðurin er ungur, sigur politiið, hann er yngri enn 18 ár.

Politiið sigur seg vita, hvørjir lupu á, og tað verður kannað. 

Nógv full fólk vóru á ólavsøku, men samarittarnir hjá Reyða krossi gera eitt stórt og gott arbeiði har, og tað lættir nógv um hjá politinum, sigur politiið.

Ein maður var í klivanum á nýggju politistøðini í nátt.