Skansin biður um umbering fyri roykbumbu

Skansin biður um almenna umbering fyri, at ein fótbóltsfjeppari tók eina roykbumbu við sær inn á Tórsvøll og sprongdi hana stutt fyri hálvleik í dystinum millum Føroyar og Danmark leygarkvøldið.

Bæði politi og sløkkilið komu á staðið.

Tann, sum hevði roykbumbuna, var burturvístur.

- Vit kenna okkum hava ein part av ábyrgdini í hesum, tí at viðkomandi var við sum partur av Skansanum, og vilja vit tí koma við einari almennari umbering, sigur nevndin í Skansanum.