Næraberg seldur fyri tað dupulta av tí hann kostaði í 2014

Næraberg var seldur fyri meira enn tað dupulta av, hvat hann kostaði fyri sjey árum síðani.

110,7 milliónir var prísurin, sum pólska felagið Arctic Navigations vildi lata fyri skipið, sum er bygt í 1990.

Tá ið Næraberg varð keyptur til landið í 2014 kostaði hann góðar 50 milliónir krónur ella 7 milliónir evrir. 

Tað er felagið Arctic Navigations, staðsett í Warshawa í Pólandi, sum hevur keypt Næraberg.

Í nevndini eru fólk, sum hava tilknýti til íslendska reiðaríið Samherja, og sum eisini hava feløg saman við hollendska eigaranum hjá Nærabergi, Diedrik Parlevlet. 

Eitt nú hava nevndarlimurin Baldvin Torsteinsson, sum bæði er í Samhjera og Arctic Navigations og hollendingurin, Diederik Parlevlet felagið North Atlantic Fishing Assosiation Limited saman.

Eisini eiga hollendska felagið hjá Parlevlet og Samherji felagið UK Fisheries saman.

Parlevlet er nevndarformaður í P/F Næraberg.

Mynd: Hanus Hansen, stjóri í JFK