Eystari landsrættur staðfest dóm fyri skottilburð í Miðvági

Eystari landsrættur hevur staðfest dómin, sum ein maður fekk í einum nevningatingi í Føroya rætti í vár.

Maðurin fekk sjey ára fongsulsrevsing fyri at skjóta eftir politinum í Miðvági í desember í 2019.

Eitt nevningating í Føroya rætti dømdi í mai mannin, sum tá var 37 ár, sjey ára fongsulsrevsing.

Hann kærdi alt fyri eitt dómin til Landsrættin, tí hann helt, at sjey ár eru ov nógv.

Men tað helt Eystari landsrættur ikki. Eitt nevningating í Landsrættinum staðfesti dómin.

Ákæruvaldið kravdi níggju ár. Verjin kravdi í fyrsta umfari frídøming og í øðrum umfari linari dóm enn sjey ár..  

Maðurin er dømdur fyri drápsroynd og fyri at hava vápn og lóður ólógliga.