Freistin at skipa stjórn í Svøríki í longd

Freistin at skipa stjórn í Svøríki í longd
Stóra avbjóðingin hjá Magdalenu Andersson er at fáa Vinstraflokkin at stuðla sær sum forsætisráðharra
Magdalena Andersson, forkvinna í svenska javnaðarflokkinum, á tíðindafundi í dag, tá hon hevði fingið longda freist at skipa nýggja stjórn.
Mynd: RitzauScanpix  
 
16.11.2021 - 14:44

Magdalena Andersson hevur fingið nýggja freist til at skipa stjórn í Svøríki.

Freistin er nú longd til mánadagin 22. november.

Stóra avbjóðingin hjá Magdalenu Andersson, sum skal taka við sum svenskur forsætisráðharri eftir Stefan Løfven, er at fáa Vinstraflokkin at stuðla sær sum forsætisráðharra.

Hon hevur longu stuðul frá Senterflokkinum, sum eisini hevur boðað frá, at hann ikki fer at seta seg ímóti, at Andersson ger nakra semju við Vinstraflokkin.

Ósemja um ávirkan

Samráðingarnar millum Sosialdemokratarnar og Vinstraflokkin hava verið truplar, tí ósemja er um, júst hvussu stóra ávirkan Vinstriflokkurin skal hava. Vinstriflokkurin hevur sagt við Aftonbladet, at tey vilja hava eins stóra ávirkan og Senterflokkurin. 

Flokkurin hevur boðað alment frá, at um hann skal gerast partur av stjórnargrundarlagnum hjá Magdalenu Andersson, skulu greiðar semjur gerast um hægri pensjónir, betri sjúkratrygd og ein tryggari arbeiðsmarknað.

Er í góðari støðu

Eygleiðarar siga, at Vinstraflokkurin er í eini góðari støðu, sum kann seta flokkin í miðdepilin í svenskum politikki. Tí hevur flokkurin heldur ikki skund. Trýstið er á Magdalenu Andersson.

Við svenskar miðlar sigur Magdalena Andersson seg hava góðar vónir um, at ein semja verður funnin í seinasta lagi mánadagin, men hon ger greitt, at hóast hon er til reiðar at slaka á summum økjum, so verður tað bert gjørt, um tað eydnast at fáa semju um eina stjórn.

Um tað eydnast Magdalenu Andersson at skipa eina stjórn, verður hon fyrsta kvinna, sum verður svenskur forsætisráðharri. Svøríki er einasta norðurland, sum ikki hevur havt eina kvinnu sum stjórnarleiðara.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592