Amazon og Apple fáa 1,5 mia. kr. í bót

Italska kappingareftirlitið hevur givið internet-risanum, Amazon, og tøkni-risanum, Apple, 200 milliónir evrur í bót. Tað svarar til slaka hálva aðru milliard krónur í okkara peningi.

Italska kappingareftirlitið hevur givið feløgunum bót, tí tey skulu hava roynt at forða fyri, at vørur hjá Apple verða seldar víðari.

Apple fær 996 milliónir krónur í bót og Amazon 510 milliónir krónur.

Sambært kappingareftirlitinum, hava feløgið sýtt fólki at selja Apple- og Beats-vørur í nethandlum hjá Amazon í Italia.