Mál um hóttan, frælsistøku og pengar í rættinum

Mál um hóttan, frælsistøku og pengar í rættinum
Ein maður, sum var hóttur eftir lívinum, rindaði 167.000 kr. Fyrst var skuldin 75.000 kr., so bleiv hon 100.000 kr. og at enda 300.000 kr.
Eitt umfatandi mál um hóttan, frælsistøku og pengar verður viðgjørt í Føroya rætti í næstu viku.
 
01.12.2021 - 08:38

Hóttanir eftir lívinum, eisini hjá dóttur hansara, hóttanir um at sorla familju hansara og frælsistøka, fingu ein mann at gjalda 167.000 kr., sum nakrir menn hildu uppá, at hann skyldaði teimum.

Fyrst var skuldin 75.000 kr., so bleiv hon 100.000 kr. og at enda 300.000 kr.

Hóttanir, frælsistøka og pengar, sum vóru noyddir úr einum manni, eru kjarnin í einum máli, sum Føroya rættur fer at viðgera í næstu viku.

Fimm menn eru ákærdir.

Byrjar í 2019

Ákæruritið byrjar á heysti 2019, tá tríggir av teimum ákærdu sambært ákæruritinum royndu at smugla trý kilo av hashi úr Danmark til Føroya. Virðið var 75.000 kr. 

Smuglingin miseydnaðist.

Síðani heldur søgan fram á sumri í fjør.

Tá hóttir tann eini ákærdi á telefonappini Wickr ein mann í Havn við at drepa hann og dóttur hansara, og sorla familju hansara, um hann ikki rindar eina skuld, sum skal vera 75.000 kr.

Hótti maðurin rindar 50.000 kr.

Seldi bilin fyri at fáa pengar

Í september í fjør kemur sama hóttan. Nú er skuldin 100.000 kr. Maðurin rindar 60.000 kr. Hann seldi bilin hjá sær, sambært ákæruritinum.

Stutt fyri nýggjár í fjør er, sambært ákæruritinum, fyrra frælsistøkan. Skuldin er enn 100.000 kr.

Tann seinna frælsistøkan er 8.januar í ár. Tá er skuldin komin upp á 300.000 kr. Maðurin, sum bleiv bæði hóttur og sligin, sambært ákæruritinum, rindaði 57.000 kr.

Tríggir av teimum ákærdu eru ákærdir fyri frælsistøkuna. 
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584