Nikaragua viðurkennur ikki longur Teivan, sum sjálvstøðugt ríki

- Nikararua viðukennur, at í heiminum er bert eitt Kina. Fólkalýðveldið Kina er einasta løgfrøðiliga stýrisveldi, sum umboðar alt Kina, og Teivan er partur av kinesika økinum, sigur uttanríkisráðharrin í Nikaragua, Denis Moncada Colindres, í tíðindaskrivi.

Kina sigur, at Teivan er partur av Kina, hóast oyggin hevur sína egnu stýrisskipan og stjórn, og virkar sum sjálvstøðug tjóð. 

Tíðindini merkja eisini, at Nikaragua ikki longur viðurkennur Teivan, sum sjálstøðugt ríki. 

Úti í heimi hava fáar stjórnir viðurkent Teivan sum sjálvstøðugt ríki,  - einans 14 onnur lond - eitt nú Guatemala, Honduras, Haiti, Paragvei, Eswatini og Vatikanstaturin.