Uppskotini um sammøður samtykt

Fyri løtu síðani samtykti løgtingið uppskotini frá tingfólkum í andstøðuni um sammøður.

Tey trý uppskotini vórðu samtykt við 17 atkvøðum fyri og 16 ímóti.

Meiriluti var fyri uppskotunum, tí Johan Dahl í Sambandsflokkinum og Annika Olsen í Fólkaflokkinum atkvøddu saman við andstøðuni.

Tvey av uppskotunum eru lógaruppskot, og skulu tí hava eina viðgerð í tinginum aftrat.

Í løtuni er ógreitt, hvørjar avleiðingar atkvøðugreiðslan fær, men Miðflokkurin hevur sagt fleiri ferðir, at atkvøddu samgongufólk fyri uppskotunum, var samgongan fokin.

Meiri verður at frætta í úvarpstíðindunum.

Myndirnar tók Bjarni Árting Rubeksen

Annika Olsen, Christian Andreassen, Bárður á Steig Nielsen, sammóður

Annika Olsen, sammóðir