Noreg heimsmeistari í hondbólti

20.12.2021 - 07:42
ÍtrótturHondbóltur
Noreg heimsmeistari í hondbólti
Kvinnulandsliðið hjá Noregi í hondbólti vann í gjárkvøldið HM-kappingina, tá norsku kvinnurnar vunnu 29-22 á Fraklandi
Fegnar norskar hondbótskvinnur við steypinum, ið tær vunnu fyri at gerast heimsmeistari
Mynd: Pau Barrena/AFP/Ritzau Scanpix  
 

Kvinnulandsliðið hjá Noregi í hondbólti vann í gjárkvøldið HM-kappiningina. 

Tær vunnu sannførandi 29 - 22 á Fraklandi, - men í hálvleikinum var Frakland á odda 16 - 10.

Tá ið gull, silvur og bronsu-heiðursmerkini skuldu handast, gekk ikki alt eftir ætlan. 

Forsetin í altjóða hondbóltssambandinum, Hassan Moustafa, helt røðu og takkaði øllum, sum høvdu hjálpt til at skipa HM-kappingina. 

Men í taluni segði Moustafa, at Danmark vann silvur, og at Frakland vann bronsu, og tað var ikki rætt. 

Frakland vann sjálvandi silvur og Danmark bronsu. 

Roynt var í skjótari vending at fáa Moustafa at rættað mistakið, men hann skilti ikki boðini.

Hetta fall ikki í góða jørð hjá franska leikaranum, Beatrice Edwige, sum tosaði við fjølmiðlar eftir handanina.

"Tað er vantandi virðing fyri Fraklandi. Hvat annað kann eg siga? Tað er ikki vanligt, at hondbóltsforsetin ikki veit, hvør er nummar tvey, beint eftir at finalan er spæld. Hetta er vantandi virðing fyri Frakalandi," segði hon við fjølmiðlar.

Er kopiera
Nýggjastu sendingar í ÚV
Týsdag 31. januar
Morgunlestur týsdagur 31. januar 2023
151580
Mánadag 30. januar
Norðurljóð 30.januar 2023
151670
Mánadag 30. januar
Góðan morgun Føroyar 30.01.2023
151664
Nýggjastu sendingar í SV
Sunnudag 29. januar
Andakt við Peter Fleetwood
151642
Sunnudag 29. januar
Guðstænasta úr Glyvra kirkju
151640
Hósdag 26. januar
Foytar greyðir 1
151528
Týsdag 24. januar
Vísindavøka 2022
151430