Eingi nýggj landsstýrisfólk, fyrr enn samgongan hevur funnið stevið aftur

Samgongan heldur saman, tí ongin flokkur hevur slitið samgonguna enn.

Tað sigur Christian Andreasen, tingbólkaformaður fyri Fólkaflokkin, í viðmerking til støðuna.

Floksleiðslan skal á fund millum jól og nýggjár, og allarhelst verður einki nýtt at frætta fyrr enn eftir tann fundin.

Jógvan á Lakjuni, Jacob Vestergaard, Elsebeth Mercedis Gunnleigsdóttir,

Samgongan má finna stevið fyrst

Í løtuni standa tveir landsstýrissessir tómir, eftir at Elsebeth Mercedis Gunnleygsdóttir og Jacob Vestergaard úr Fólkaflokkinum fóru aftur í tingið mánadagin. 

Tað er floksleiðslan í Fólkaflokkinum, sum skal taka støðu til hvør skal yvirtaka landsstýrssessirnar í almannamálum og fiskivinnumálum.

Tann avgerðin fellur tó ikki fyrr enn stevið í samgonguni er funnið aftur, sigur Christian Andreasen.

Kringvarpið hevur roynt at fingið eina viðmerking frá Jørgeni Niclasen, formanni í Fólkaflokkinum, men tað eydnaðist okkum ikki til hesa tíðindasending.