Noreg letur 100 mió. kr. í neyðhjálp til Afganistan

12.01.2022 - 09:24
AktueltÚtheimurin
Noreg letur 100 mió. kr. í neyðhjálp til Afganistan
Hungursneyð rakar 23 milliónir fólk í landinum, sigur norski uttanríkisráðharrin
Anniken Huitfeldt er norskur uttanríkisráðharri.
Mynd: Aftenposten  
 

Noreg fer at lata 100 mió. norskar krónur til neyðhjálpararbeiði í Afganistan. Tað svarar til umleið 75 mió. krónur í okkara peningi.

Tað kunngjørdi norska uttanríkisráðið í gjár.

ST segði í gjár, at tørvur er á 29 mia. krónum til neyðhjálpararbeiðið í Afganistan í ár,  eftir Taliban kom aftur til valdið.

Eftir valdsskiftið eru bæði dýrtíðin og arbeiðsloysið vaksin nógv í Afganistan, og ST metir, at tað er átokandi tørvur á peninginum til neyðhjálp til tess at forða fyri einari stórari humaniterari vanlukku.

23 mió. líða hungur

Og norski uttanríkisráðharrin, Anniken Huitfeldt, tekur undir við tí.

- Sjáldan hava vit sæð so stóra neyð, sum tað vit nú síggja í Afganistan.

- Nærum 23 mió. afganar líða hungur, og eg eri serliga stúrin um avleiðingarnar fyri børnini, sigur hon.

- Tað er tí av alstórum týdningi, at øll lond eru við í arbeiðnum at forða fyri einari størri humaniterari kreppu enn henni, vit síggja í løtuni, sigur hon sambært norska miðlinum VG.no.

Er kopiera
Nýggjastu sendingar í ÚV
Leygardag 13. august
Morgunlestur leygardagur 13. august 2022
143011
Fríggjadag 12. august
Morgunlestur fríggjadagur 12. august 2022
143010
Hósdag 11. august
RagnarRokk 11.august 2020
140693
Hósdag 11. august
RagnarRokk: Jon Courtney um Above Sirrus
140690
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750