Føroysk farmaskip sleppa ikki at sigla farm til Grønlands fyribils

14.01.2022 - 07:09
AktueltVinna
Føroysk farmaskip sleppa ikki at sigla farm til Grønlands fyribils
Flutningsfelagið Royal Arctic Line hevur, sum nú er, einkarrætt uppá farmaflutning til Grønlands, og grønlendska landstýrið hevur ongar ætlanir um at strika einkarrættin
Eingi útlit eru fyri, at føroysk farmaskip sleppa at sigla við farmi til Grønlands fyribils
Mynd: Savnsmynd  
 

Ongar ætlanir eru um at liberalisera sjóvegis farmaflutningin til Grønlands. 

Tað upplýsir grønlendska landstýriskvinnan í samferðslumálum, Mariane Paviasen, í tí sum svarar til ein grein 52 spurning í Føroyum.

Føroysk farmaskip sleppa í løtuni ikki at sigla farm til Grønlands, tí flutningsfelagið Royal Arctic Line hevur einkarrætt uppá farmaflutning til Grønlands.

Og grønlendska landstýrið hevur ongar ætlanir um at strika einkarrættin.Landstýriskvinnan var spurd, um nakrar ætlanir vóru at liberalisera sjóvegis farmaflutningin til Grønlands.

 

Helgi royndi at ávirka

Í fjør vendi Helgi Abrahamsen, fyrrverandi landstýrismaður í vinnumálum, sær eisini til grønlendska landstýrið, fyri at kanna møguleikarnar at føroysk skip kundu sigla til Grønlands við farmi.

Helgi Abrahamsen segði tá, at tað kundi ikki vera rætt, at grønlendsk farmaskip kunnu sigla til Føroya, meðan føroysk farmaskip ikki sleppa at sigla til Grønlands.

Men onki verður broytt, sigur grønlendska landstýriskvinnan í samferðslumálum.

- Tað eru ongar ætlanir um at bróta einkarrættin hjá Royal Arctic Line. Spurningurin um liberalisering á farmaleiðini er ikki viðgjørdur í nýggjari tíð, og tí er ógreitt um tað hevði verið samfelagsgagnligt við meira enn einum veitara á leiðini, sigur Mariane Paviasen.

Grønlendska sjálvstýri eigur Royal Arctic Line.

Er kopiera
Nýggjastu sendingar í ÚV
Leygardag 13. august
Morgunlestur leygardagur 13. august 2022
143011
Fríggjadag 12. august
Morgunlestur fríggjadagur 12. august 2022
143010
Hósdag 11. august
RagnarRokk 11.august 2020
140693
Hósdag 11. august
RagnarRokk: Jon Courtney um Above Sirrus
140690
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750