Ljósmøður og Fíggjarmálaráðið: Semingsstovnurin boðsendur

Í gjár varð semingsstovnurin boðsendur í lønartrætuni millum lønardeildina í fíggjarmálaráðnum og Ljósmøðrafelag Føroya.

Sáttmálin hjá ljósmøðrunum fór úr gildi í oktober 2020.

Sambært Terja Sigurðsson, semingsmanni, er næsta stig nú, at semingsstovnurin fer á fund við partarnar. 

Fyrrapartin hósdagin er fundur við lønardeildina hjá fíggjarmálaráðnum, og seinnapartin verður fundur við Ljósmøðrafelagið.