Umhvørvisstovan fingið kæru um aliloyvi á Oyndarfirði

Umhvørvisstovan fingið kæru um aliloyvi á Oyndarfirði
Mowi hevur ætlanir um at flyta alingina á Oyndarfirði longur út á fjørðin 
 
18.01.2022 - 17:45

Umhvørvisstovan hevur fingið eina kæru um, at aliloyvini hjá Mowi á Oyndarfirði verða flutt. 

Upprunaliga alifyritøkan, sum hevði aling í Oyndarfirði, fekk umhvørvisgóðkenningina í 1998, og tískil skuldi Umhvørvisstovan bert gera eitt ískoyti til umhvørvisgóðkenningina. Freistin at kæra ískoytisgóðkenningina var í gjár. 

Katrin Haraldsdóttir Jensen, leiðari á deildini Vernd á Umhvørvisstovuni, váttar, at ein kæra er komin. 

Umhvørvisstovan fer nú at seta seg í samband við viðkomandi og fáa greiðu á ymiskum, millum annað um kæran er ímóti Umhvørvisstovuni. 

Í tí sambandi verður kæran latin Umhvørvis- og vinnumálaráðnum. Umhvørvisstovan kann av góðum grundum ikki viðgera eina kæru ímóti sær sjálvari. 

Mowi hevur ætlanir um at flyta alingina á Oyndarfirði longur út á fjørðin. 


 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585