13 uppskot eru á skránni á ungdómstinginum

13 uppskot til samtyktar eru á dagsskránni hjá ungdómstinginum 2022, sum verður í dag og í morgin.

Nevndarfundir verða seinnapartin, og seinna viðgerð verður fyrrapartin í morgin. 

Seinnapartin í morgin eru ófráboðaðir fyrispurningar frá ungdómstinglimum til løgmann og landsstýrismenn.

19 flokkar, 13 uppskot

Løgtingsformaðurin beyð í juni í fjør næmingunum í framhaldsdeild fólkaskúlans at senda inn lógaruppskot ella uppskot til samtyktar at viðgera í ungdómstinginum.

Tá freistin var úti, høvdu 19 skúlaflokkar sent uppskot inn. 

32 næmingar í Eysturskúlanum, Hoyvíkar skúla, Kollafjarðar skúla, Runavíkar kommunuskúla, skúlanum á Fløtum, skúlanum á Giljanesi, Tvøroyrar skúla og Vágs skúla vera í ungdómstinginum.

Áttanda ferðin

Hetta er áttanda ferð, at ungdómsting verður hildið í Føroyum.

Ungdómstingfundurin í dag er kl.10.00.