- Tíðindi, mentan og ítróttur
Noregi er heimsmeistari í fólkaræði
Noregi er heimsmeistari í fólkaræði
Árliga yvirlitið hjá Economist Intelligence Unit vísir, at Noregi er heimsmeistari í fólkaræði, og at Danmark er á einum sætta plássi
Í Noregi eru tey heimsmeistarar í fólkræði
Mynd: Shutterstock.com
11.02.2022 - 09:50
Noreg er ovast á listan, tá tað snýr seg um demokrati.
Í árliga yvirlitinum frá Economist Intelligence Unit, EIU, er Noreg nummar eitt, New Zealand nummar tvey og Finnland nummar trý.
Svøríki er á fjórða plássi, og síðani kemur Ísland og á sætta plássi er Danmark.
Altjóða sæð, so var menningin í fjør døpur.
45,7 prosent hava fólkaræði
Tilsamans 45,7 prosent av fólkinum í heiminum liva, sambært yvirlitinum, í londum við fólkaræði.
Tað eru munandi færri enn í 2020, tá annaðhvørt fólk búði í einum landi við fólkaræði.
Bara 6,4 prosent av fólkinum í heiminum liva í fullgildugum fólkaræði. Tað er eisini minni enn í fjør, tá var tað 6,8 prosent.
Vánaligast árið síðani 2010
EIU, sum miðilin The Economist eigur, skipar lond í røð við stigaskipan eftir, hvussu eitt nú val verða skipað, borgararættindi og poliska mentan.
Yvirlitið í ár er, sambært EIU, alheimsliga eitt tað vánaligasta síðani 2010.
EIU sigur, at fólkaræði hevur stórar avbjóðingar kring um í heiminum.
Og koronufarsóttin hevur givið einaræðum størri vald.
Øll frágreiðingin kann lesast HER.
Er kopiera
Nýggjastu sendingar í ÚV
Nýggjastu sendingar í SV
